a

Thursday, 28 December 2017

உறுதியான கொள்கைகளில் இருந்து வழுவி விட்டீர்களா?

நான் எந்தக் கட்சியையும் நாடிச் செல்லவில்லை. எந்தக் கட்சியின் ஆண்டு சந்தாப் பணத்தைக் கட்டி விடுபவனும் அல்ல. எந்தக் கட்சியும் என்னைத் தமது கூட்டங்களுக்கு அழைத்து வரவுமில்லை என வடமாகாண முதலமைச்சர் சீ.வி.விக்னேஸ்வரன் தெரிவித்துள்ளார்.

“நீங்கள் உங்கள் கட்சிக்குக் கட்டுப்பட்டு நடக்கின்றீர்கள் இல்லை என்ற குற்றச்சாட்டு இலங்கை தமிழரசுக் கட்சி சார்பில் முன்வைக்கப்பட்டுள்ளது. உங்கள் நடவடிக்கைகள் மீண்டும் வன்முறையைத் தோற்றி விடுமோ என்ற பயம் தெற்கில் எழுந்துள்ளது. உங்கள் பதில் என்ன?” என்று எழுப்பப்பட்ட கேள்விக்கு பதிலளிக்கும் போதே இதை குறிப்பிட்டார்.

‘என்னைப் பொறுத்த வரையில் எனக்கென்று கட்சி ஒன்றில்லை. என்னுடைய ஒத்த கருத்துடையவர்கள் தமிழ் மக்கள் பேரவை என்ற நாமத்துடன் ஒரு மக்கள் இயக்கமாகப் பரிணமித்துள்ளார்கள்.

தமிழ்த் தேசியக் கூட்டமைப்பின் கூட்டமொன்று திருகோணமலையில் சில வருடங்களுக்கு முன்னர் நடந்த போது 8 பேர்களைக் கொண்ட ஒரு குழு அமைக்கப்பட்டது. அதன் பின் அக் குழுவிற்கு என்ன நடந்தது என்று எனக்குத் தெரியவில்லை. கட்சி அரசியல் எதுவும் வேண்டாம் என்றிருந்த என்னை தமிழ்த் தேசியக் கூட்டமைப்பின் அங்கத்துவக் கட்சிகளின் ஐந்து கட்சிகள் சேர்ந்த தலைவர்கள் ஒருங்கே வந்து வலிந்து கேட்ட போது மறுக்க முடியாமல் அரசியலில் கால் வைத்தேன். நான் சேர முன் வந்தது அந்த ஐந்து கட்சிகள் சேர்ந்த தமிழ்த் தேசியக் கூட்டமைப்பினுள்ளேயே. அப்போது அது பதிவு செய்யப்படாத ஒரு அரசியல் கூட்டமைப்பு என்பது கூடத் தெரியாதிருந்தது.

சேர்ந்த போது தான் பலதும் வெளிவந்தன. ஆனால் முன்னர் வன்முறை சாராத கட்சி என்ற வகையில் இயற்கையாகவே இலங்கைத் தமிழரசுக் கட்சியுடன் தான் எனது தொடர்புகள் சார்ந்திருந்தன. 2013ம் ஆண்டின் தேர்தல் விஞ்ஞாபனம் எனக்குத் தரப்பட்டது. அதில் உள்ள கொள்கைகள் எனக்குச் சரியெனப்பட்டன. எனவே அதனை அடிப்படையாகக் கொண்டு என் அரசியல் வாழ்க்கைப் பயணத்தை மேற்கொண்டேன். ஆனால் வெகுவிரைவில் ஒன்றை உணர்ந்து கொண்டேன். விஞ்ஞாபனக் கொள்கைகளுக்கும் விரவியிருந்த யதார்த்த நிலைக்கும் இடையில் பாரிய விரிசல் இருந்ததை நான் உணர்ந்தேன்.

கொள்கைகள் மக்களுக்கு ஆனால் அரசியல் கொடுக்கல் வாங்கல்கள் கட்சித் தலைமைப்பீடங்களுக்கே என்பது தான் யதார்த்தமாக இருந்தது. இந்தக் கொடுக்கல் வாங்கல்கள் அல்லது அவற்றோடு சம்பந்தப்பட்ட முடிவுகள் எந்தவித கூட்டுக் கருத்துப் பரிமாற்றத்தின் அடிப்படையில் எடுக்கப்படவில்லை என்பதையும் கண்டு கொண்டேன்.

நடைமுறை நலன்கள் எவ்வாறு அமைந்தனவோ அவற்றை முன்வைத்தே தீர்மானங்கள் எடுக்கப்பட்டன. அங்கு சுயநலமே கட்சித் தலைமைப்பீடத்தால் கருத்துக்கெடுக்கப்பட்டது என்பதையும் உணர்ந்து கொண்டேன். உதாரணத்திற்கு தேர்தல் விஞ்ஞாபன சிந்தனைக்கேற்ப இனப்படுகொலை சம்பந்தமான பிரேரணை கொண்டுவரப்பட்டு எமது வடமாகாண சபையால் 10.02.2015இல் ஏக மனதாக ஏற்கப்பட்ட போது கட்சித் தலைமைத்துவம் அதிர்ச்சி அடைந்ததை நான் கண்டேன்.

அது சம்பந்தமான தலைமைத்துவக் கருத்துக்கள் முன்னுக்குப் பின் முரணாக அமைந்ததையும் கண்டு கொண்டேன். பின்னர் தான் அறிந்து கொண்டேன் சிலருக்கு வரவிருந்த சுயநல வரவுகள் சில அந்தப் பிரேரணையால் பறிபோனதென்று.நாங்கள் மக்களிடம் வாக்கு கேட்கும் போது எமது கொள்கைகளை முன் வைத்தே கேட்கின்றோம். என்னைப் பொறுத்த வரையில் அவற்றை மாற்றி, குறைத்தோ கூட்டியோ நாங்கள் அரசாங்கத்திடம் எமது கோரிக்கைகளை முன் வைப்பது என்றால் அது மக்களின் கருத்துக்கிசைவாக நடைபெற வேண்டும்.

ஆகக் குறைந்தது கூட்டமைப்பின் கட்சித் தலைவர்களின் கருத்தொருமிப்பின் அடிப்படையில் அவ்வாறான முரண்பட்ட கோரிக்கைகள் முன் வைக்கப்பட வேண்டும். ஏன் என்றால் நாங்கள் மக்களின் நம்பிக்கைப் பொறுப்பாளர்கள். அவர்கள் நலம் சார்ந்தே நாங்கள் அரசியல் ரீதியாக நடந்து கொள்ள வேண்டும். தான்தோன்றித்தனமாக சுயலாபம் கருதி நடவடிக்கைகளை எடுக்கக் கூடாது.

ஆனால் அவ்வாறு தலைமையே கூட்டுக் கட்சியின் கொள்கைகளை உதாசீனம் செய்யும் போது ஒருவர் என்ன செய்ய வேண்டும்? ஒன்று வெளியேற வேண்டும். வெளியேறினால் உதாசீனம் செய்து நடந்து கொள்பவர்கள் கை ஓங்கிவிடும். இது எமது மக்களையே பாதிக்கும்.மக்கள் பெருவாரியாக என்னைத் தேர்ந்தெடுத்த போது இலங்கைத் தமிழரசுக் கட்சியினதும் தமிழ்த் தேசியக் கூட்டமைப்பினதும் ஒட்டு மொத்த கொள்கைகளின் அடிப்படையில் தான் தேர்ந்தெடுத்தார்கள். அவற்றிலிருந்து ஒரு கட்சியின் தலைமைத்துவம் வழுக முற்படும் போது கட்சியின் நடவடிக்கைகளை மக்கள் சார்பாக மாற்ற எத்தனிப்பதே எமது கடமை என்று உணர்ந்தேன்.

கட்சித் தலைமைத்துவம் கட்சிக் கொள்கைகளை மாற்றும் போது உபயோகிக்கும் கருவி தான் கட்சி ஒழுக்கம் என்ற பிரம்பு. “நாங்கள் சொல்வதை நீங்கள் செய்யுங்கள். இல்லையேல் அடுத்த முறை உங்களுக்குக் கட்சித் துண்டு கிடைக்காது” என்பார்கள் அல்லது “நாங்கள் சொல்வதை நீங்கள் மக்களுக்கு எடுத்துச் சென்றீர்கள் என்றால் அடுத்த முறை உங்களுக்குத் துண்டு நிச்சயம்” என்பார்கள்.

நான் என் கட்சியை அடையாளப்படுத்துங்கள் என்று ஏற்கனவே உங்களிடம் கேட்டுள்ளேன். இலங்கைத் தமிழரசுக் கட்சிக்குக் கட்டுப்பட்டு நான் நடக்கவில்லை என்று கூறும் போது அதே கட்சியின் கொள்கைக்குக் கட்டுப்படாத கட்சித் தலைமைத்துவத்துக்கு நான் என்ன பதில் கூற முடியும்? என்னை கட்சிக் கூட்டங்களுக்கு அழைத்திருந்தால் எமது முரண்பாடுகள் பற்றிக் கூறியிருப்பேன். அது நடைபெறாத நிலையில் எமது கொள்கை ரீதியான விடயங்களை வெளிப்படையாக மக்களுக்குக் கூறுவதே எமது கடமை என்று நான் நினைத்தேன். அதையே செய்தும் வருகின்றேன்.

தவறிழைக்கும் கட்சித் தலைமைப்பீடம் தங்களைச் சரியான வழிக்கு மாற்றாமல் என்னைக் குறை கூறுவது விசித்திரமாக இருக்கின்றது. தற்போதைய உள்ளூராட்சித் தேர்தலுக்கு எந்தத் தேர்தல் விஞ்ஞாபனத்தை முன் வைத்து இலங்கைத் தமிழரசுக் கட்சி வாக்குக் கேட்கின்றது என்பதைப் பகிரங்கமாக அறிவிக்க வேண்டும். அப்பொழுது தான் கட்சித் தலைமைத்துவத்திடம் சில கேள்விகளை மக்கள் கேட்கலாம். அதாவது எமக்கு ஒன்றைக் கூறி அதற்கு மாறாக அரசாங்கத்துடன் நீங்கள்நீங்கள் நடந்து கொள்ளும் நடவடிக்கையின் பின்னணி என்ன? நெருக்குதல்கள் காரணம் எனின் யாரால் ஏற்படுத்தப்பட்ட நெருக்குதல்கள்? என்று இன்னோரன்ன கேள்விகளை மக்கள் கேட்க வழிவகுக்க வேண்டும்.

அதை விட்டு விட்டு “நாம் தான் தலைமை! நாம் முடிவெடுத்து விட்டோம். அது வழி நடவுங்கள் அல்லது சீட்டுமில்லை சிறப்புமில்லை” என்று கூறுவது ஜனநாயகம் ஆகாது. அவ்வாறான நடவடிக்கைகள் தமிழ் மக்களின் நலஞ் சாராது.ஆகவே தமிழரசுக் கட்சியின் தலைமைத்துவத்திற்கு நான் கூறும் பதில் பல தடவைகள் சிறை சென்ற போது நீங்கள் கொண்டிருந்த உறுதியான கொள்கைகளில் இருந்து நீங்கள் வழுவி விட்டீர்களா? ஏன்? பிறழ்வான கொள்கைகளுக்கு என்னைப் பணியச் செய்வதில் உங்களுக்கென்ன இலாபம்? உங்கள் கொள்கைகளைப் பழையபடி உறுதியாக எடுத்தியம்பி நிலையான தமிழரசுக் கட்சிக் கொள்கைகளுக்கு நீங்கள் இன்னமும் விஸ்வாசமாக இருக்கின்றீர்கள் என்று பகிரங்கமாக அறிவியுங்கள்.

இடைக்கால அறிக்கையின் போதாமை பற்றிப் பிரஸ்தாபியுங்கள். எவற்றை நாங்கள் அரசியல் ரீதியாகப் பெறவேண்டும் என்பதைப் பகிரங்கமாக அறிவியுங்கள். அவை கட்சியின் 2013ஆம் ஆண்டின் தேர்தல் விஞ்ஞாபனத்திற்கு ஏற்புடையதாக இருந்தால் நான் கட்சி கூறுவதற்குக் கட்டுப்படுவேன்.

அடுத்து மீண்டும் வன்முறை வெடிக்கும் சாத்தியம் பற்றியது…

உண்மையைக் கூறினால் வன்முறை வெடிக்கும் என்று கூறுவதின் அர்த்தம் ஒருவர் மிரட்டினால் அடங்கிப் போங்கள் என்பது தான். நாம் கூறி வருவது எமக்குத் தெரிந்த உண்மை. உண்மையைக் கூறப் பின் நின்றால் பொய்மைக்கு நாம் இடமளிக்க வேண்டி வரும். சரித்திர ரீதியாக சிங்கள மொழி 6ஆம் 7ஆம் நூற்றாண்டுகளிலேயே பிறந்தது என்றேன். எனவே அதற்கு முன்னைய மக்களைச் சிங்கள மக்கள் என்று நாம் எவ்வாறு அழைக்க முடியும் என்று கேள்வி கேட்டேன். சிங்கள மொழி பேசுவதால் தான் ஒரு குழு மக்கள் சிங்கள மக்கள் என்று அடையாளப்படுத்தப்பட்டார்கள்.

அந்த மொழியே ஒரு காலத்தில் இல்லாதிருந்த போது அம் மக்கள் அந்தக் குழுவைச் சேர்ந்தவர்கள் என்று எவ்வாறு அடையாளப்படுத்த முடியும்? இது தான் யதார்த்தம். இது தான் உண்மை.நாங்கள் இது வரை இதைக் கூறவில்லை. இப்பொழுது இதை நான் கூற வேண்டிய அவசியம் ஏற்பட்டது. அதைப் பொறுக்க மாட்டாதவர்கள் தான் என்னைப் பைத்தியம் என்கின்றார்கள், பயங்கரவாதி என்கின்றார்கள். பகைவனாகப் பார்க்கின்றார்கள்.

அடுத்து நான் சமஷ்டியைக் கோருவதால் வன்முறை வெடித்துவிடும் என்று பயமுறுத்துகின்றார்கள். இப்பொழுது சிங்கள மக்களிடையே படிப்பறிவுடையவர்கள் சமஷ்டியைச் சரியென ஏற்றுக்கொண்டு வருகின்றார்கள்.பின் எதற்கு இந்தப் பயம்? ஒரு விடயம் புரியாமல் இருக்கும் போது உணர்ச்சிவசப்பட்டு நாங்கள் அதை இதைக் கூறிவிடுகின்றோம். ஆனால் புரிந்துணர்வு ஏற்படும் போது அமைதியாக சிந்திக்க தொடங்குகின்றோம்.

சமஷ்டி ஒரு பூச்சாண்டி அல்ல. அது பிரிவினை அல்ல. மாறாக மக்களைச் சேர்க்கும் ஒரு அரசியல் உபாயம் என்பதை நாங்கள் சிங்கள மக்களுக்கு எடுத்துக் கூற வேண்டும். எங்களுள் சிங்களம் தெரிந்தவர்கள் இதைச் சிங்களப் பொது மக்களின் கவனத்திற்குக் கொண்டுவர வேண்டும்.சிவாஜிலிங்கமும் நானும் இதைச் செய்கின்றோம். அதே போல் சம்பந்தனும், சுமந்திரனும் சிங்களம் தெரிந்தவர்கள் என்ற முறையில் சிங்கள மக்களுக்கு சமஷ்டியின் தேவைகளையும் அரசியல் ரீதியான பொருத்தத்தையும் எடுத்துக் கூற முன் வர வேண்டும்.

எம்மவருள் சிலர் “அது எப்படி சமஷ்டியைக் கேட்பது சிங்களவர்கள் அதற்கெதிரே” என்று கூறுகின்றார்கள். அவர்கள் தான் தெற்கில் இருந்து கொண்டு சிங்கள மக்கள் தலைவர்களை உசுப்பேற்றி விடுகின்றார்கள்.இவர்கள் ஒன்றைப் புரிந்த கொள்ள வேண்டும். நாங்கள் வடகிழக்கு இணைப்பை விட்டுக் கொடுத்து, தாயகத்தை விட்டுக் கொடுத்து, சுய நிர்ணய உரிமையை விட்டுக் கொடுத்து, சமஷ்டியை விட்டுக் கொடுத்து ஒரு சில எலும்புத் துண்டுகளுக்காகக் குறைந்த ஒரு தீர்வைப் பெற்று விடலாம். எலும்புத் துண்டுகள் எமது அப்போதைய சுயநலப் பசியைத் திருப்திப்படுத்தக் கூடும். ஆனால் நாளடைவில் நடக்கப் போவதென்ன? எமது தனித்துவம் அழிந்து விடும்.

மீண்டும் மீண்டும் எமது மக்கள் வெளிநாடுகள் நோக்கிச் செல்வார்கள். இப்பொழுது எமது வடமாகாண சபையில் இருவர் இருக்கும் இடத்தில் சபையின் பாதி அவர்களின் மக்கள் என்ற நிலை 20 வருடங்களுக்குள்ளேயே ஏற்பட்டு விடும்.இன்று பறங்கியர் பற்றி பேசும் போது நாம் கடந்த காலத்தைச் சுட்டியே பேசுகின்றோம். ஐம்பது வருடங்களின் பின்னர் எம்மைப் பற்றியும் கடந்த காலத்தில் தான் வைத்துப் பேசுவார்கள்.

இந்த நிலை வர ஒரு சில எலும்புகளைப் பெற்று கொள்கைகளை விட்டுக் கொடுப்பது தான் சரி என்று இந்தத் தெற்கத்தியத் தமிழர்கள் நினைக்கின்றார்களா? இந்த நிலை வர வேண்டும் என்பது தான் தெற்கத்தைய சிங்களவர் எதிர்பார்ப்பா? அப்படியானால் அது இனப்படுகொலை என்ற கருத்தினுள் அடங்கும் என்பதை அவர்கள் அறிவார்களா?வன்முறை வெடிக்கும் என்பது சம்பந்தமான எனது பதில் ‘வன்முறை வரும்’ என்பது எம்மைப் பயமுறுத்தும் ஒரு செயல்.

போர் வெடித்ததால் எமது நாடு எவ்வாறான உயர் கடன்களைப் பெறவேண்டியிருந்தது என்பதைத் தெற்கு அறியும். அவர்களின் இராணுவம் செய்த அட்டூழியங்களை உலகம் அறியும். ஆகவே எமது சிங்கள அரசியல்வாதிகள் வன்முறை வெடிக்க விடமாட்டார்கள். இன்னுமொரு 1983 வந்தால் இலங்கையின் பெயர் உலக அரங்கில் நாறும். அதையும் மீறி அவ்வாறு வெடித்தால் வெடிக்கட்டுமே. நாம் இதுகாறும் கூறி வந்த உண்மையை உலகம் அறிந்து கொள்ளும், உணர்ந்து கொள்ளும்.

எமது மக்கள் இதுவரை பட்ட பாட்டிற்கு மேலதிகமாக நாங்கள் எதைச் சந்திக்கப் போகின்றோம்? வன்முறை வெடிக்கும் என்பது சுயநலவாதிகளின் பயமே ஒளிய அதில் உண்மை இல்லை.இந்தக் கூற்று தெற்கில் இருந்து வருவதில் இருந்து அதன் சுயநலப் போக்கைப் புரிந்து கொள்ளலாம். தெற்கில் கொழும்பில் சொகுசாக வாழ்பவர்கள் தான் இவ்வாறான கருத்துக்களை வெளியிடுகின்றார்கள்.

ஆகவே எமது கட்சித் தலைமைகள் தங்கள் நிலையை எமது மக்கள் சார்பாக அவர்களுடன் இணைந்து உருவாக்க முன்வரவேண்டும்” என வடமாகாண முதலமைச்சர் சீ.வி.விக்னேஷ்வரன் தெரிவித்துள்ளார
Share:
Read More

அமெரிக்காவில், கிறிஸ்தவ தேவாலயம் இந்து கோவிலாக மாற்றம்

அமெரிக்காவில் தெலாவரில் 50 ஆண்டு பழமை வாய்ந்த கிறிஸ்தவ தேவாலயம் இருந்தது. தற்போது அந்த தேவாலயம் சுவாமி நாராயணன் கோவில் ஆக மாற்றப்பட்டுள்ளது.

குஜராத் மாநிலம் அகமதாபாத்தின் மணிநகர் பகுதியில் உள்ள சுவாமி ‘நாராயண் காடி சன்ஸ்தான்’ என்ற அமைப்பு அதற்கான ஏற்பாட்டை செய்தது. இந்த கிறிஸ்தவ தேவாலயம் செயல்படாமல் இருந்தது.

அதை விலைக்கு வாங்கி இந்து கோவிலாக மாற்றம் செய்துள்ளது. அதற்காக ரூ.10 கோடி வரை செலவிடப்பட்டுள்ளது. இதன் மூலம் அமெரிக்காவில் இந்து கோவிலாக (சுவாமி நாராயண் கோவில்) மாறியுள்ள 3-வது கிறிஸ்தவ தேவாலயமாக இது விளங்குகிறது. ஏற்கனவே கலிபோர்னியா மற்றும் கென்டக்கியில் 2 தேவாலயங்கள் இந்து கோவில்களாக மாறியிருக்கின்றன.

இவை தவிர இங்கிலாந்தில் லண்டன் மற்றும் மான்செஸ்டர் அருகேயுள்ள பாஸ்டன் ஆகிய 2 இடங்களில் கிறிஸ்தவ தேவாலயங்கள் கோவிலாக மாற்றம் செய்யப்பட்டுள்ளன. இதன் மூலம் உலகில் 5 கிறிஸ்தவ தேவாலயங்கள் இந்து கோவிலாக மாற்றம் கண்டுள்ளன.

அமெரிக்காவின் தெலாவரில் மாற்றம் செய்யப்பட்டுள்ள கோவில் 3 ஆயிரம் சதுர அடி கொண்டது. இங்கு சுவாமி நாராயண் சிலை கடந்த மாதம் பிரதிஷ்டை செய்யப்பட்டது. இதுதவிர அனுமன் மற்றும் விநாயகர் சிலைகளும் அங்கு நிறுவப்பட்டுள்ளன.

சுவாமி நாராயண் காடி சன்ஸ்தான் அமைப்பின் தலைமை குரு புருசோத்தம் பிரியதாஸ் சில வருடங்களுக்கு முன்பு அமெரிக்கா வருகை தந்தார். அப்போது அங்கு கோவில் கட்ட விரும்பினார். அமெரிக்காவில் தெலாவர், மேரிலேண்ட், பென்சில்வேனியா, நியூஜெர்சி பகுதிகளில் தங்கியிருக்கும் சுவாமி நாராயண் பக்தர்களை சந்தித்தார்.

அமெரிக்காவில் சுவாமி நாராயணன் கோவிலை கட்ட வலியுறுத்தினார். அதை தொடர்ந்து அங்கு கோவில் கட்டப்பட்டுள்ளது. தற்போது இக்கோவில் பொதுமக்கள் வழிபாட்டுக்காக திறந்து விடப்பட்டுள்ளது. வழிபாடுகள் நடைபெறுகிறது.
Share:
Read More

இறப்பதை தடுக்கவே முடியாது -அது என்ன ?

மனிதர்கள் பொதுவாக தமக்கு வரும் அறிகுறிகளை தவிர்த்து அதனை அசட்டையீனம் செய்வது வழக்கம். இது பெரும் ஆபத்தான விளைவுகளில் கொண்டு போய் விடும். எமது உடல் பாதிப்படைந்திருக்கிறது என்பதனை காட்டும் சில முக்கிய அறிகுறிகள் உள்ளது. அதில் மிக முக்கியமான 10 அறிகுறிகளை இங்கே தருகிறோம். இவற்றில் ஏதாவது ஒன்று உங்களுக்கு இருந்தால் கூட நீங்கள் உடனே வைத்தியரை நாடுவது நல்லது..

அறிகுறி 1: நெஞ்சில் சளியே இல்லாமல் அடிக்கடி இருமுவது. இந்த இருமல் ஒரு வகையாக இருக்கும். சற்று வித்தியாசமாக இருப்பதோடு, மூச்சு எடுத்துவிடவும் சிரமாக இருக்கும். உடனே மருத்துவரை அணுகுவது நல்லது.

அறிகுறி 2: உங்கள் உடல் எடை திடீரெனக் குறைவது. வழமையான சாப்பாட்டை உட்கொண்டு வந்தாலும். திடீரென நீங்கள் எடை குறைந்தால், உடனே மருத்துவரை அணுகுவது நல்லது.

அறிகுறி 3: நெஞ்சில் லேசாக வலிப்பது(இடது புறமாக) தோழில் நோ. வேலையே செய்யாமல் வியர்ப்பது. லேசான தலை சுற்று அத்தோடு வாந்தி எடுப்பது போல உணர்ந்தால், உடனே மருத்துவரை அணுகுவது நல்லது. வயதானவர்கள் அஸ்பிரின் மாத்திரை ஒன்றை வீட்டில் வைத்திருப்பது நல்லது. லண்டனில் ஒரு வயதான மூதாட்டி(80) வீட்டில் தனியாக வசித்து வந்துள்ளார். அவருக்கு மேல் உள்ள அறிகுறிகள் தோன்றவே. அவர் உடனே என்.எச்.எஸ் க்கு டெலிபோன் அடித்துள்ளார். வீட்டில் அஸ்பிரின் மாத்திரை இருந்தால் உடனே உட் கொள்ளுங்கள். உங்கள் வீட்டு முன் கதவை விறந்து விட்டு இளைப்பாறுங்கள் என்று அவர்கள் சொல்ல. அவரும் அதுபோல செய்துவிட்டு இளைப்பாறியவேளை , மாரடைப்பு வந்து மயங்கிப் போனார். ஆனால் வைத்தியசாலையில், கண் முழித்தார். அவர் சாப்பிட்ட அஸ்பிரின் மாத்திரை அவரை காப்பாற்றியதோடு. அம்புலன்ஸ் ஆட்கள் வந்தவேளை, அவர்கள் தீ அணைக்கும் படையை அழைத்து கதவை உடைக்கவேண்டிய அவசியம் ஏற்படவில்லை. (அதற்கு பல நிமிடங்கள் பிடித்திருக்கும்) கதவு ஏற்கனவே திறந்து இருந்த காரணத்தால் அவர்கள் உடனே உள்ளே போய் முதலுதவி கொடுத்து. அம்மூதாட்டியை வைத்திய சாலை கொண்டு சென்று பிழைக்க வைத்தார்கள். இது உண்மைச் சம்பவம்.

அறிகுறி 4: சாப்பாடு விழுங்க கஷ்டமாக இருத்தல், தொண்டையில் கட்டி அல்லது தடக்குவது போன்ற உணர்வு. இது தொண்டை புற்று நோய்க்கான அறி குறி.றிகுறி 5: கண்களுக்கு அருகாமையில் தோன்றும் சிறு சிறு கொப்பளங்கள். இவை மிக மிக சிறியவையாக இருக்கும். கண்ணின் கரு வளையங்களில் இவை தோன்றும். இது தோன்றினாலே உடலில் கொலஸ்ரோல் மிக மிக அதிகமாகி விட்டது என்பது அர்த்தம். உடனே வைத்தியரை அணுகி கொலஸ்ரோலை செக் செய்வது நல்லது.

அறிகுறி 6: வயிறு அபரிவிதமாக வீங்கி இருப்பது. எடை கூடாமல், திடீரென வண்டி வீங்கி காணப்படும். பின்னர் மீண்டும் பழைய நிலைக்கு வந்தாலும். மீண்டும் சில தினங்களில் வண்டி வீங்கி பெரிதாவிவிடும். இது வயிற்றுப் புண் (அல்சர்) அல்லது நாள் பட்ட அல்சர் குடல் புற்று நோய்க்கான அறிகுறி.

அறிகுறி 7: கைகளில் ஏற்படும் விறைப்பு, அல்லது கைகளில் திடீரென ஏற்படும் வலி(ஊசி குத்துவது போல ஒரு நோ) இது உடலில் சக்கரையின் அளவு அதிகரித்துள்ளது என்பதனை காட்டும். திடீரென கண் மங்கலாக தெரிவது. அடிக்கடி சிறு நீர் கழிப்பது(சிறு நீர் கொஞ்சமாக செல்லும்) ஆனால் பல முறை செல்லவேண்டி இருக்கும். சக்கரை நோய் என்பது உலகின் நம்பர் 1 உயிர் கொல்லி நோய். சரியாக கவனிக்காவிட்டால், கால் அழுகும், சிறு நீரகங்கள் செயல் இழக்கும். ரத்த நரம்புகளை பாதித்து பிளட் பிரஷரை கூட்டும். கண்களை பாதிக்கும். சடுதியாக இதயத்தை நிறுத்தும். மேலும் சொல்லப் போனால் மூளையில் சக்கரையின் அளவு கூடினால் கோமா நிலைக்கு சென்றுவிடுவார்கள்(செல்வி ஜெயலலிதாவைப் போல)

அறிகுறி 8: அடிக்கடி உறக்கம் வருவது. இல்லையேல் நீண்ட நேரம் உறங்குவது. உறக்கத்தில் இருந்து எழும்ப முடியாமல் இருப்பது. கடும் தலைவலி. தலைச் சுற்று. இது சிலவேளைகளில் மூளை கட்டியின் அறிகுறியாக இருக்கலாம். வெறும் தலை வலி என்று நினைத்து விடவேண்டாம்.

அறிகுறி 9: கைகளில் அல்லது உடலில் தோன்றும் சிறு சிறு கொப்பளங்கள். இவை வெகுப் பருபோல இல்லாமல் சற்று பெரிதாக காணப்படும். இது திடீரென தோன்றும். இவ்வாறு ஏற்பட்டால் உடனே மருத்துவரை அணுகவும்.அறிகுறி 10: அடிக்கடி காச்சல், ஜலதோஷம்(தடிமன்) வருவது. புண் ஏற்பட்டால் மாற பல நாட்கள் பிடிப்பது. தொற்று வியாதிகள் உடனே தொற்றிக் கொள்வது. இவை இருந்தால் உங்கள் உடலில் நோய் எதிர்ப்பு சக்தி குறைவடைந்துவிட்டது என்று அர்த்தம். எயிட்ஸ் நோய் தாக்கம் இருந்தாலும் இவ்வாறு தோன்றும். உடலுறவில் தொற்றும் இந்த எயிட்ஸ் பற்றி சில தவறாக கருத்துக்கள் உள்ளது. ஓரின உறவுக்காரர்களுக்கே இது அதிகமாக உள்ளதாக பரப்புரை செய்கிறார்கள். ஆனால் அப்படி அல்ல. எவர் ஒருவருக்கு எயிட்ஸ் இருக்கிறது. அவரோடு யார் உடலுறவு கொண்டாலும் , அவருக்கு அன் நோய் பரவும். ஆனால் அதனை கண்டு பிடிப்பது மகா கஷ்டமான விடையம். நல்ல ஆரோக்கியமான ஒரு இளைஞர் உடலில் எயிட்ஸ் வைரஸ் புகுந்தால் சிலவேளை 14 ஆண்டுகளுக்கு பிறகே அதன் தாக்கத்தை உணர முடியும். ஆனால் ரத்தப் பரிசோதனை செய்தால், உடனே கண்டு பிடித்துவிடலாம்.

ஆண்களை பொறுத்தவரை எயிட்ஸ் வைரசுகள், விந்து மற்றும் உறுப்பில் சுரக்கும் திரவத்தில் காணப்படுகிறது. எனவே இவை பெண்களுக்கு அல்லது வேறு ஒரு ஆணுக்கு செல்லும். அதே போல பெண்களுக்கு எயிட்ஸ் வைரஸ் பெண் உறுப்பில் சுரக்கும் திரவத்தில் காணப்படுகிறது. எனவே ஆண் உறுப்பின் முன் தோல்(மிக மிக மென்மையான) இடத்தில் அது பட்டால் ரத்த நாளம் ஊடாக உடலுக்குள் செல்கிறது. இந்த வரைசஸ் தாக்கினால் 2 வாரத்தினுள் லேசாக ஒரு காச்சல் இருக்கும். அவ்வளவு தான். 2வாரம் கழித்தே எமது உடலில் உள்ள வெள்ளை அணுக்கள், இதனை எதிர்த்து போராடும் . இதனால் தான் காச்சலும் வரும். அதன் பின்னர் எயிட்ஸ் கிருமி, எமது உடலில் உள்ள வெள்ளை அணுக்களை எப்படி சமாளிப்பது என்று கண்டறிந்து அதுபோல செயல்பட அரம்பித்து விடும். பல வருடங்கள் பின்னரே இதனால் நாம் இறப்போம்.ஆனால் ஒரு நல்ல செய்தியும் உள்ளது. அமெரிக்கா முஸ்லீம்களை அழிக்க தயாரித்த இந்த வைரஸ் , தற்போது தனது செயல் திறனை இழந்து வருகிறது. முதல் முதல் தயாரிக்கப்பட்ட இந்த வைரஸ் குட்டி போட்டு,  குட்டி போட்டு தற்போது செயல் இழக்க ஆரம்பித்துள்ளது. அதாவது ஒரு பிரதியை நீங்கள் போட்டோ காப்பி எடுத்தால் அதனை மீண்டும் மீண்டும் எடுத்தால் ஒவர் பிரதியும் அதன் உண்மை தன்மையை இழந்து போகும். அது போல தற்போது உள்ள எயிட்ஸ் கிருமிகள் அதன் மொத்த திறனில் இருந்து சுமார் 50% குறைந்துள்ளதாம். இதனால் இதனை கட்டுப்படுத்துவது என்பதும் இனி கடினமான விடையம் இல்லை என்கிறார்கள் மருந்து கம்பெனிகள்.
Share:
Read More

Sunday, 24 December 2017

ஏனோ எனோ ஏன் இந்த முழுவல்

eno Yeno Yen Intha Muzhuval Yeno Yeno Yen Intha Muzhuval ஏனோ எனோ ஏன் இந்த முழுவல் Asathanaan Enmel Aasathi Konda Asathuru Un Pola Yevarumillai-2X அசத்தனாம் என்மேல் ஆசத்தி கொண்ட அசத்துரு உம் போல எவருமில்லை Yeno Yenindha Asalai Anbu Yeno Yenmeedhu Siluvai Anbu-2X ஏனோ ஏன் இந்த அசலை அன்பு ஏனோ என்மீது சிலுவை அன்பு Thavarugal Kondaen Nasinaigal Kondaen Aanalum Siluvaiyin Thalayazhi Kandaen Asadam Endrae Asattai Kandaen Asaraa Un Asarangal Thaangak Kandaen தவறுகள் கொண்டேன் நசினைகள் கொண்டே&ன் ஆனாலும் சிலுவையின் தலையழி கண்டேன் அசடம் என்றே அசட்டை கண்டேன் அசரா உம் அசரங்கள் தாங்கக்கண்டேன் Naan Enna Seidhaen Endru Kaetkum Ulagil Enakkaaga Seidhitta Anbai Kandaen Thaniyaa Thagappanin Thalpam Kandaen (2) நான் என்ன செய்தேன் என்று கேட்கும் உலகில் எனக்காக செய்திட்ட அன்பை கண்டேன் தணியா ஒரு தகப்பனின் தட்பம் கண்டேன்
Share:
Read More

முதல் முறையாக, எந்த பிடிமானமும் இல்லாமல் பறந்த நாசா வீரர் மரணம்

நாசாவைச் சேர்ந்த புரூஸ் மெக்கண்டில்சின் ஒரு புகைப்படம் 1984-ம் ஆண்டு வெளியிடப்பட்டு மிகவும் புகழ் பெற்றது. அந்த புகைப்படத்தில் புரூஸ் விண்வெளியில் எவ்வித பிடிமானமும் இல்லாமல் பயணம் செய்வார். விண்வெளியில் பிடிமானம் இல்லாமல் பயணம் செய்த முதல் வீரர் என்ற பெருமையை பெற்றார்.

இந்நிலையில், புரூஸ் மெக்கண்டில்ஸ் கலிபோர்னியாவில் மரணமடைந்ததாக நாசாவின் ஜான்சன் விண்வெளி ஆராய்ச்சி மையம் அறிவித்துள்ளது. அவர் தனது 80வது வயதில் உயிரிழந்துள்ளார்.

அவரை பெருமைப்படுத்தும் விதமாக அவரின் சாதனை நிமிடங்களை நாசா வெளியிட்டு வருகிறது. அதன் ஒரு பகுதியாக அவர் விண்வெளியில் வலம் வந்த புகைப்படம் மற்றும் வீடியோவை வெளியிட்டு உள்ளது. அவரின் இந்த புகைப்படம் விண்வெளி வரலாற்று பக்கங்களில் சிறந்த பக்கமாக அமையும் என்று புகழாரம் சூட்டியுள்ளது.
Share:
Read More

Saturday, 23 December 2017

ஐ.நா-வில் அமெரிக்காவுக்கு பலத்த அடி!

இஸ்ரேலின் தலைநகராக ஜெருசலேம் அங்கீகரிக்கப்பட்டதற்கு, ஐ.நா-வில் பலத்த எதிர்ப்பு கிளம்பியுள்ளது. அமெரிக்க அதிபர் ட்ரம்ப், தனது அறிவிப்பைத் திரும்பப் பெறவேண்டுமென 128 நாடுகள் வாக்களித்துள்ளன.இலங்கை, இந்தியாவும், அமெரிக்காவின் முடிவுக்கு எதிராகவே வாக்களித்துள்ளது.

சமீபத்தில், இஸ்ரேல் தலைநகராகத் தொன்மையான ஜெருசலேம் நகரை அமெரிக்கா அங்கீகரித்தது. கடந்த 1967-ம் ஆண்டு, பாலஸ்தீனப் போரின்போது, கிழக்கு ஜெருசலேம் நகரை இஸ்ரேல் கைப்பற்றியது. பாலஸ்தீனம், இஸ்ரேல் நாடுகள் இந்த நகருக்கு உரிமைகொண்டாடி வரும் வேளையில், அமெரிக்காவின் தன்னிச்சையான இந்த அறிவிப்பு உலக நாடுகளிடையே அதிர்ச்சியை ஏற்படுத்தியது.

அமெரிக்கா அறிவிப்பை திரும்பப் பெறவேண்டுமென, ஐ.நா-வில் பொதுக்குழுவில் தீர்மானம் கொண்டுவரப்பட்டது. மொத்தம் 193 நாடுகள் உறுப்பினர்களாக உள்ள ஐ.நா அவையில், 128 நாடுகள் அமெரிக்காவுக்கு எதிராக வாக்களித்துள்ளன. ஆதரவாக 9 ஓட்டுகளே கிடைத்துள்ளன. 35 நாடுகள் வாக்கெடுப்பில் பங்கேற்கவில்லை. 21 நாடுகள் வாக்குப்பதிவு செய்யவில்லை. வாக்கெடுப்பின்போது நழுவிய நாடுகளில் ஆஸ்திரேலியா, கனடா போன்றவை முக்கியமானவை. அமெரிக்காவுக்கு ஆதரவாக பலம்வாய்ந்த நாடுகளுள் ஒன்றுகூட வாக்களிக்கவில்லை. ஹோண்டுராஸ், கவுதமாலா, டோகோ போன்ற குட்டி நாடுகள்தான் வாக்களித்திருந்தன. பாகிஸ்தானும்கூட அமெரிக்காவுக்கு ஆதரவான நிலைப்பாட்டை எடுக்கவில்லை.

ஐ.நா-வுக்கான அமெரிக்கத் தூதர் நிக்கி ஹாலே, ‘அமெரிக்காவுக்கு எதிராக வாக்களிக்கும் நாடுகளைக் குறித்துவைத்து நிதியுதவியை ரத்து செய்வோம்’ என்று எச்சரித்திருந்தார். ஆனால், எச்சரிக்கையையும் மீறி அமெரிக்காவுக்கு ஐ.நா சபையில் பலத்த அடி கிடைத்துள்ளது. இந்தியாவைப் பொறுத்தவரை, பாலஸ்தீன விவகாரத்தில், ‘ எங்கள் நாட்டுக்குள்ள சுதந்திரமான கொள்கை முடிவைத்தான் பின்பற்றுவோம் ‘ என்று தெளிவாகக் கூறிவிட்டது. சமீபத்தில், இஸ்ரேல் நாட்டுக்கு பிரதமர் மோடி சுற்றுப்பயணம் மேற்கொண்டார். அப்போது, பாலஸ்தீனத்துக்கு மோடி செல்லவில்லை. அடுத்தமாதம் இஸ்ரேல் பிரதமர் பெஞ்சமின் நாதன்யாகு இந்தியாவுக்கு வருகிறார். இந்நிலையிலும் பாலஸ்தீனத்துக்கு ஆதரவான நிலைப்பாட்டையே இந்தியா எடுத்துள்ளது. வங்கதேசம், மாலத்தீவு நாடுகளும் அமெரிக்காவுக்கு எதிராகவே வாக்களித்துள்ளன.
Share:
Read More

Popular Posts

Recent Posts

Blog Archive